طالبان وایي، د افغان حکومت لهخوا د زندانیانو د ازادېدو په اړه ورکړل شوی لېست نمیګړتیاوې لري او د زندانیانو د پېژندګلوۍ جزئیات پهکې نهشته.
د طالبانو د قطر دفتر ویاند سهیل شاهین پر خپله ټویټرپاڼه لیکلي، لېست کې د ورکړل شویو کسانو له ډلې یو شمېر لادرکه دي او ځینې یې هغه کسان دي چې داعش وژلي دي.
ده ویلي، طالبانو په دې وروستیو کې د افغان حکومت ۲۶۱ زندانیان ازاد کړي دي او په خبرهیې افغان حکومت باید پر یوې او بلې پلمې د سولې د هوکړې په وړاندې خنډونه جوړ نهکړي.
څو ورځې وړاندې د افغانستان د ملي امنیت شورا وویل، دوی تر اوسه زر طالب زندانیان ازاد کړي او ویېویل، که طالبان د حکومت بندیان ازاد نهکړي، دوی د طالب زندانیانو د ازادېدو بهیر دروي.