یوه ایراني سړي د اوښ تشې د دغه هېواد د ګمرکاتو په رسمي لېست کې ثبت کړي او په عراقیانو یې پلوري.
د ازادې اروپا د فردا څانګې د یوه راپور له مخې حامد ترعیب وايي چې دی د اوښ یو لیتر تشې (متیازې) په ۵۰ ډالرو پلوري او له اتو میاشتو راهیسې یې ۳۷۰ لیتره خرڅې کړې دي.
حامد وايي کلهیې چې غوښتل د اوښ تشې د صادرولو لپاره رسمي جواز ترلاسه کړي د کرنې او مالدارۍ ادارې مسؤلینو پورې خندل.
د منځني ختیځ په تېره بیا عربو هېوادونو کې ځيني خلک په دې باور دي چې د اوښ تشې د یو شمېر ناروغیو په درملنه کې ګټورې تمامېږي.
په دې وروستیو کې یو ایرانی چې ځانیې اسلامي عالم او حکیم باله په دې تور ونیول شو چې خلکو تهیې د اوښ د تشو د څښلو سپارښتنه کوله څو د ده په خبره په کرونا ویروس اخته نهشي.