د دوهمې نړیوالې جګړې څخه پاتې بریتانوی پوځي ټام مور نن سلمه کلیزه لمانځي.
ټام مور ته وروسته له هغه د رسنیو پام ور واوښت چې ده اعلان کړی و د خپلې سلمې کلیزې په مناسبت پیسې ټولوي او بیا یې له کرونا ویروس سره د مبارزې به برخه کې په بوختو ډاکترانو او روغتیاپالانو لګوي.
دغه بریتانوي پخواني پوځي ۲۹ میلیونه انګلیسي پونډه ټول کړي دي چې ۳۶ میلیونه ډالره کېږي.
ده ته اوس د یادو هڅو په خاطر په بریتانیا کې د یوه ملي اتل په سترګه کتل کېږي.
کپټان ټام مور د دوهمې نړیوالې جګړې پر مهال په هند او اندونیزیا کې په پوځي خدمت ګمارل شوی و.