د هند سینما بالیووډ یو وتلی لوبغاړی ریشي کپور نن د ۶۷ کلنو په عمر په ممبی کې وفات شو.
دی له سرطان کړېده چې بالاخرهیې د ممبی په یوه روغتون کې ساه ورکړه.
د ده په مړینې باندې ګڼو خلکو په تېره بیا د هند د سینما ستورو خواشیني ښوولې ده.
امیتابچن په خپل ټویټر لیکلي چې "ریشي ولاړ، ریشي کپور ولاړ. وفات شو. زه تباه شوم."
د هند صدراعظم نرېندرا مودي هم په خپل ټویټر ریشي کپور یوه مستعده، لېوال او له شور ډک کس بللی دی او لیکلي يې دي چې ریشي کپور د فلمونو او هند د پرمختګ لېواله و او مړینې یې دی خواشینی کړی دی.
Multifaceted, endearing and lively...this was Rishi Kapoor Ji. He was a powerhouse of talent. I will always recall our interactions, even on social media. He was passionate about films and India’s progress. Anguished by his demise. Condolences to his family and fans. Om Shanti.
— Narendra Modi (@narendramodi) April 30, 2020
ریشي کپور د کپور لويې کورنۍ غړی و.
له دې کورنۍ د ریشي کپور زوی رنبیر کپور او ورېرې کرشمه کپور او کرینه کپور هم په ډېرو فلمونو کې کار کړی.
د ریشي کپور تر مړینې یوه ورځ مخکې بل وتلی فلمي ستوری عرفان خان چې نهیوازې په هندي سینما، بلکې په نړیواله کچه پېژندل شوی و د سرطان له لاسه په ۵۴ کلنۍ کې ومړ.