د ګردېز محبس دوه ساتونکي د بندیانو په بلوا کې وژل شوي او دوه تنه زخمیان شوي دي.
د کورنیو چارو وزارت ویلي چې یو شمېر بندیانو پرون د ګردېز له زندانه د تېښتې لپاره بلوا جوړه کړې وه.
د کورنیو چارو وزارت ویاند طارق ارین دا خبره پرون د اپرېل په ۱۱مه، ماخوستن پر ټویټر لیکلې ده.
طارق ارین لیکلي چې د بندیانو او د محبس د ساتونکو ترمنځ په اخوډب کې دوه ساتونکي وژل شوي او دوه نور زخمیان شوي دی.
د طارق ارین په وینا، په دې پېښه کې دوه بندیان هم زخمیان شوي دي.
طارق ارین پر ټویټر لیکلي چې په سیمه کې وضعیت تر کنټرول لاندې دی.