د افغانستان عامې روغتیا وزارت وایي، تېرو ۲۴ ساعتونو کې ۳۷ نور افغانان په کرونا ویروس اخته شوي دي.
د دغه وزارت ویاند وحید مایار رسنیو ته ویلي، د دغو پېښو ۱۶یې په کابل، ۸ په هرات او نور یې په کندهار، لوګر، دایکنډي، تخار، بامیان، پروان، غور، بادغیس او نیمروز ولایتونو کې رامنځته شوي.
له دې سره په افغانستان کې په کرونا ویروس د اخته شویو کسانو شمېر ۵۲۱ ته لوړ شو.
په پلازمېنه کابل او یو شمېر نورو ښارونو کې د دغه ویروس د خپرېدو د مخنیوي لپاره د ګرځ‌بندیز امر جدي شوی او پولیس خلکو ته په اسانه د تګ راتګ اجازه نه‌ورکوي.