په نړۍ کې په کرونا ویروس د اخته خلکو شمېر له نهه نیمو لکو واوښت.
دا تازه شمېر نن د کرونا ویروس د قضیو د ثبتولو یوې وېبپاڼې ورلډومېټرس خپور کړی دی.
د جانز هاپکنز پوهنتون شمېرې بیا ښيي چې نږدې نهه لکه او ۴۲ زره کسان په ټوله نړۍ کې په کرونا ویروس اخته شوي دي.
په دې ډله کې امریکا د مثبتو قضیو له پلوه په لومړي سر کې ده ځکه هلته په کرونا ویروس د اخته خلکو شمېر نږدې ۲۱۷ زرو ته رسېدلی دی.
په امریکا کې د مړو شمېر ۵۱۳۷ ښودل شوی.
په ټوله نړۍ کې بیا د کرونا ویروس له لاسه د مړو شویو خلکو شمېر ۴۸ زره او د روغو شویو خلکو شمېر له دوو لکو کسانو اوښتی دی.