د کرویشیا د پلازمېنې زګرب اوسېدونکي د یوې قوي زلزلې په ټکانونو راویښ شول.
دغه زلزله چې نن سهار وختي پر ځايي وخت د سهار پر ۶ بجو وشوه، د پراخې ویجاړۍ سبب شوې ده او د اضطراري پېښو په وړاندې د مبارزې چارواکي وايي، یو تن مړ شوی دی.
د اروپا د زلزله پېژندنې اداره وايي دا زلزله د ریښتر په مقیاس ۵،۲ درجې وه، چې د زګرب د شمال زیاتو سیمو ته یې ټکان ورکړ.
په زګرب کې عیني شاهدانو ویلې چې د ګڼو ودانیو دېوالونو درز کړی او چتونه زیانمن شوي دي.