د بلخ ولايت چارواکي وايي په چهاربولک ولسوالۍ کې دوه کسان وژل شوي دي.
د بلخ د امنیه قوماندانۍ ویاند اجمل فایز پرون سې شنبه ازادي راډیو ته وویل، یو وژل شوی کس ملکي تن او بل د ملي اردو سرتېری و.
تر دې مخکې د ۲۰۹ شاهین قول اردو ویاند حنیف رضايي ویلي وو چې په چهاربولک کې په وسلهواله نښته او هوايي عملیاتو کې په لسګونه طالبان وژل شوي او د ملي اردو ۵ سرتېري ټپیان شوي دي.
وسلهوالو طالبانو په دې اړه څه نهدي ویلي.
وسلهوال طالبان د چهاربولک ولسوالۍ پر زیاتو برخو کنټرول لري.
روانه اوونۍ په بلخ ولایت کې درې حملې شوې دي، یوه په مزار شریف کې د دوشنبې په ورځ چاودنه وه چې دوه کسانیې وژلي وو.