د امریکا پوځ نوې شمېرې ښیي چې امریکا تر اوسه په افغانستان کې د وسلهوالو طالبانو او د اسلامي دولت سختدریځې ډلې یا داعش په وړاندې د هوا له لارې د جګړې شدت نهدی کم کړی.
د امریکایي جینس خپرونې د راپور له مخې دغه شمېرې چې د امریکا د هوايي ځواکونو مرکزي قوماندانۍ نن خپرې کړي ښیي چې هوایي ځواکونو په تېره فبرورۍ میاشت کې ۳۶۰ هوایي مأموریتونه ترسره کړي چې په ډېرو کې یې وسلې کارولې دي.
دا له ۲۰۰۹ کال راهیسې چې دې قوماندانۍ د خپلو هوایي مأموریتونو د شمېرو د خپرولو لړۍ پیل کړې، دوهمه لویه شمېره ده.
یوازې د ۲۰۱۸ کال په فبرورۍ کې د امریکا هوایي ځواکونو ۴۶۹ مأموریتونه ترسره کړي و.
په تېره فبرورۍ میاشت کې په افغانستان کې د امریکا هوایي ځواکونو دغه لوړ شمېر مأموریتونه داسې مهال ترسره کړي چې په ۲۹مه نېټهیې د طالبانو او امریکا ترمنځ د سولې تړون لاسلیک شو او تر هغې مخکې هم شااوخوا یوه اوونۍ د تاوتریخوالي د کمښت اوونۍ وه چې دواړو لورو پر یو بل له حملو ډډه کړې وه.