د مسکو چارواکو د هغو لویو عامه غونډو په ترسراوي بندیز ولګاوه چې د ګډونوالو شمېر يې له پنځه زره اوړي.
دا اعلان څو ساعته وروسته له هغه وشوه چې پرون د روسیې ولسي جرګې د اساسي قانون په تعدیل سره د پوتین د بیا کاندیدۍ لار هواره کړه چې ممکن مخالفین د دې کار په غبرګون لاریون وکړي.
په روسیه کې تر اوسه د کرونا وایروس ۲۰ مثبتې پېښې ثبت شوي دي.
په ټوله نړۍ کې بیا د کرونا وایروس مثبتې پېښې له ۱۱۷ زرو اوښتي چې له ډلې یې د مړو شمېر ۴۲۰۰ ته رسېدلی دی.
د هغو خلکو له ډلې چې کرونا وایروس نیولي څه باندې ۶۰ زره یې تر معالجې وروسته له روغتون رخصت شوي هم دي.