د ترکیې حکومت ویلي چې ۳۳ عسکر یې د سوریې د حکومتي ځواکونو په بمباري کې وژل شوي دي.
د ترکیې عسکر د سوریې په شمالي ښار، ادلب کې وژل شوي دي.
له دې امله د انقرې او دمشق ترمنځ کړکېچ زیات شوی دی.
د سوریې پر پوله د ترکیې دهتاي ولایت والي رحمي دوګان نن د فبرورۍ په ۲۸مه، وویل چې ۳۲ زخمي عسکر د درملنې لپاره روغتون ته وروړل شوي دي.
د ترکیې ولسمشر رجب طیب اردوغان ویلي چې د حملې ځواب به ورګړي.
اردوغان ویلي چې د سوریې د حکومت پر پوځي اهدافو به ځمکنۍ او هوايي حملې جاري وي.
په سوریه کې د جګړې د څارنې یوې ادارې ویلي چې د ترکیې له لوري په حملو کې د سوریې ۱۶ عسکر وژل شوي دي.