د امریکا سنا یو پرېګړهلیک چې د دواړو ګوندونو له لوري وړاندې شوی و، پاس کړ.
دا پرېکړهلیک د ایران پر ضد د امریکا د پوځي عملیاتو په تړاو د جمهور رئيس ډونالد ټرمپ صلاحیت محدودوي.
د پرېکړهلیک متن له ویرجینیا څخه ډیموکرات سناتور تیم کاینې لیکلی دی.
په پرېکړهلیک کې ویل شوي چې جمهور رئیس ټرمپ باید د ایران پر ضد د پوځي عملیاتو د پیل لپاره د کانګرس هوکړه ترلاسه کړي.
سناتور کاینې او نورو کسانو چې د پرېکړهلیک ملاتړ یې کړی، ویلي چې د پرېکړهلیک هدف یوازې ولسمشر ټرمپ نهدی، بلکې هدفیې دا دی چې په راتلونکي کې د امریکا له لوري د جګړې د پرېکړې په تړاو د کانګرس صلاحیت او قدرت زیات شي.
سناتور تیم کاینې زیاتوي: "موږ باید په جګړه کې د ګډېدو پرېکړه د محتاطانه غور له مخې وکړو. یو شمېر کسان داسې فکر کوي چې دا پرېکړهلیک د ټرمپ لاسونه تړي، خو په واقعیت کې دا د جمهور رئیس ټرمپ لپاره نه، د کانګرس لپاره ده."
د دې پرېکړهلیک د تصویب لپاره ۸ جمهوري غوښتونکو سناتورانو له ډیموکراتانو سره لاس یو کړ او پرېکړهلیک له ۵۵ څخه په ۴۵ مثبتو رایو تصویب شو.
د امریکا د اساسي قانون له مخې، د جګړې اعلان د کانګرس صلاحیت دی نه د ولسمشر.