په ننګرهار ولايت کې تر زرو کيلوګرامو ډېر نشه يي توکي ونيول شول.
د کورنيو چارو وزارت له نشه يي موادو سره د مبارزې معينيت وياند اسدالله يادګاري ازادۍ راډيو ته وويل لومړي عمليات چې له نشه يي موادو سره د مبارزې ځانګړو پوليسو په دور بابا ولسوالۍ کې وکړل، په نتيجه کې يې (۱۱۳۰) کيلوګرامه چرس ونيول شول.
دوهم عمليات له نشه يي موادو سره د مبارزې ځانګړو پوليسو د ننګرهار ولايت په آچين ولسوالۍ کې وکړل، د دې عملياتو په نتيجه کې (۶۰) کيلوګرامه چرس او (۱۶۰) کيلوګرامه بنګ ونيول شول.
د دې نشه يي توکو د ساتنې په تور درې تنه نيول شوي دي.