د اوکراین حکومت او بیلتون غوښتونکي خپلو کې د زندانیانو تبادلې ته چمتوالی نیسي.
د اوکراین حکومت او د دې هیواد په ختیځ کې روس پلوي بېلتونپال هڅه کوي چې د هغو لسګونو بندیانو لیستونه نهايي کړي چې غواړي خپلو کې یې تبادله کړي.
د یونین خبري اژانس په ډونیڅک کې د بیلتونپالو د استازو له قوله ویلي چې ټاکلې د اوکراین حکومت ۸۷ او بیلتون پال ۵۵ زندانیان خوشې کړي.
پرون د اوکراین ولسمشر ویلادیمیر ځیلینسکي تایید کړه چې ټاکلې د بندیانو دا تبادله نن ترسره شي، خو ویې ویل چې د افرادو لیست لا نهايي شوی نه دی.
که چیرې د دواړو لورو ترمنځ د بندیانو دا تبادله وشي، دا به په وروستیو څلورو میاشتو کې د اوکراین د حکومت او ددې هیواد خیتځ کې د روس پلوو بېلتون پالو ترمنځ، د بندیانو دویمه لویه تبادله وي.