د کورنیو چارو وزارت او د ملي امنیت عمومي ریاست ګډه اعلامیه وايي چې برمته نیوونکو د حاجی نصیراحمد د خوشي کولو لپاره چې د تېرې شنبي په ورځ یی کابل کې تښتولی وو، درې میلیونه امریکایی ډالر غوښتي وو.
په اعلامیه کې ویل شوي چې د تښتوونکو دغه پنځه کسیزه ډله نن د کابل په څلورمه حوزه کې نیول شوې.
حاجی نصیر احمد چې د سیم او کیبلونو لپاره د همکار په نامه د یوې کمپنۍ مشر دی، خپلی کورنۍ ته سپارل شوی دی.