د ننګرهار ولایت پولیسو د دې ولایت په دوو ولسوالیو کې څه د پاسه پنځوس کیلوګرامه نشه يي مواد ونیول.
د ننګرهار ولایت د امنیه قومندانۍ ویاند مبارز اتل ازادۍ راډیو ته وویل، په لومړۍ پېښه کې پولیسو په چپرهار ولسوالۍ کې د استوګنې په یوه کور کې ۱۵ کیلوګرامه هیرویین او ۱۳ کیلوګرامه چرس ونیول.
پولیسو په دوهمه پېښه کې د بټي کوټ ولسوالۍ په يوه کور کې ۲۸ کیلوګرامه چرس ونیول او د دې پېښې په تور یې د کور څښتن هم نیولی دی.