د افغانستان په شمال کې د بغلان امنیتي چارواکي په دغه ولایت کې د کابل د یوه پوهنتون د استاد د وژل کېدو خبر ورکوي.
د بغلان د امنیه قومندانۍ ویاند احمد جاوېد بشارت رسنیو ته په استول شوي پیفام کې ویلي، عزیز احمد پنجشیري کندز ته پر لاره وو چې تېره ورځ د مرکزي بغلان په همت خیل سیمه کې د طالبانو له لوري په مرموز ډول ووژل شو.
بشارت وایې ښاغلی پنجشیري د کابل د یوه پوهنتون استاد وو خو د پوهنتون نوم یې نه دی ښودلی.
د مرکزي بغلان ولسوالۍ پولیسو د دغه استاد مړی یوه روغتون ته انتقال کړی دی.
طالبانو تر اوسه په دې اړه څه نه دي ویلي.