د امریکا دفاع وزیر مارک اسپر په یوه نااعلان شوي سفر نن د عراق پلازمېنې بغداد ته رسېدلی دی.
دا سفر داسې مهال شوی چې امریکا د سوریې له شمال ختیځ څخه خپل سرتیري د عراق له لاري باسي.
تمه ده مارک اسپر د عراق له دفاع وزیر نجاح الشمري او د هغه هېواد له صدراعظم عادل عبدالمهدي سره وګورې.
تر دې یوه ورځ دمخه د عراق پوځ ویلي وو، هغه امریکایې ځواکونه چې د سوریې له شماله وځي، په عراق کې د تمېدو اجازه نلري.
د امریکا دفاع وزیر د اکتوبر پر ۲۲ په سعودي عربستان کې وویل، امریکایې سرتیري به متحده ایالاتو ته تر تلو دمخه په موقتي ډول په عراق کې تم شي.
- د امریکا دفاع وزیر له سعودي چارواکو سره د خبرو لپاره ریاض ته تللی
- ایسپر: له سوریې څخه به یو شمېر پوځیان عراق ته ولېږدول شي
مارک اسپر په ریاض کې له سي ان ان شبکې سره په مرکې کې وویل: "موږ پر دې احتمال غور کوو چې ځیني اضافي سرتیري هلته (په سوریې کې) وساتو، ترڅو ډاډه شو چې د اسلامي دولت ډله او نورې ډلي د هغه هېواد په منځ کې د تېلو زیرمو ته لاسرسی ونلري."
د پنتاګون مشر وړاندي خبریالانو ته ویلي وو چې ټول امریکایې سرتیري چې له سوریې وځي، د عراق لویدیځ ته ځي او هلته به دوی د اسلامي دولت ډلي پر وړاندي عملیاتو ته دوام ورکوي.
امریکا شاوخوا ۵۲۰۰ سرتیري په عراق کې لري. دا د اسلامې دولت ډلي پر وړاندي د امریکا په مشرۍ نړیوال ایتلاف یوه برخه ده.
د امریکا ولسمشر ډونالډ ټرمپ د روانې میاشتي په سر کې پریکړه وکړه چې خپل ټول زر تنه سرتیري به د سوریي له شمال ختیځ څخه وباسي.