د افغانستان جمهور رئيس محمد اشرف غني ویلي چې د ټاکنو په ورځ د امنیتي او دفاعي ځواکونو د فعالیت په اړه هېڅ شکایت نهدی ثبت شوی.
ولسمشر غني پرون د اکټوبر په ۲مه ماښام په ارګ کې په یوه غونډه کې له امنیتي ځواکونو او هغو والیانو مننه کړې چې په انتخاباتو کې یې لاسوهنه نهده کړې.
ټاکنې د سپټمبر په ۲۸مه یا د میزان په شپږمه وشوې.
د افغانستان د جمهوري ریاست د ټاکنو د امنیت ټینګولو لپاره ۷۲ زره امنیتي او دفاعي ځواکونه په ځانګړي ډول په دندو ګمارل شوي وو.
د افغانستان د کورنیو چارو وزارت وویل چې وسلهوالو طالبانو د ټاکنو په ورځ لږ تر لږه ۶۸ حملې وکړې چې پنځه ملکي وګړي او ۲ پولیس پهکې ووژل شول.