د ارزګان امنیتي چارواکي وایي، په ترینکوټ ولسوالۍ کې په یوه هوايي برید کې ۷ طالبان وژل شوي دي.
د ارزګان امنیه قومندان محمد خطاب خنجري ویلي چې حمله پرون (دوشنبه، میزان ۸مه) د بهرنیو ځواکونو لخوا په خانقا سیمه کې شوې چې د ترینکوټ ښار په پنځه کیلومترۍ کې پرته ده.
د چارواکو په وینا دغه سیمه له تېرو څلورو کلونو راهیسې د طالبانو په کنټرول کې ده.
ښاغلي خنجري نن ازادي راډیو ته وویل، په دغه برید کې ۱۴ نور طالبان تر خاورو لاندې شوي او د مرګ او ژوند په اړه یې معلومات نشته.
طالبانو لا د حکومت ددې ادعا په اړه څه نه دي ویلي.