د هېواد په درېیو هوايي ډګرونو کې د نشه يي موادو د قاچاقو په تور څوارلس کسان ونیول شول.
د کورنیو چارو وزارت ویاند نصرت رحیمي ازادي راډیو ته وویل: دا څوارلس کسان په څلورو بېلا بېلو پېښو کې ونیول شول چې غوښتل یې په خپلو سفري بکسونو او خېټو کې د حامد کرزي، کندهار او هرات هوايي ډګرونو له لارې هند ته هيروئين قاچاق کړي، له دوی څخه په مجموعي ډول شپږنیم کیلوګرامه هیروئین هم نیول شوي دي.
په دې وروستیو کې قاچاق کوونکي هڅه کوي چې د هوايي ډګرونو له لارو هند ته نشه يي مواد قاچاق کړي.