د جرمني پولیسو پرون د سپټمبر په ۲۵مه وویل چې یو افغان ګډوال د محکمې د پرېکړې پر اساس بېرته جرمني ته ستون شوی دی.
د مسترد شوي افغان هویت نه دی څرګند شوی.
د افغانستان دا پناه غوښتونکی د جرمني پولیسو د روان کال د مې په میاشت کې د جرمني او اتریش پر ګډه پوله نیولی و او یونان ته یې استولی و.
د اروپايي اتحادیې د قوانینو پر اساس، هغه کډوال چې لومړی د یونان خاورې ته رسېږي او هلته يې معلومات ثبتېږي، له هره بله اروپايي هېواده باید په ۴۸ ساعتونو کې بېرته یونان ته مسترد شي.
د جرمني د خبري اژانس په حواله، د هامبورګ ښار محکمې د اګست په اتمه جرمني ته د دې وګړي د بېرته ستنولو پرېکړه کړې، د دی لپاره چې هغه افغانستان ته د مستردېدو له ګواښ سره مخامخ و.
جرمني تر دې وړاندې ګڼ شمېر افغان پناه غوښتونکي چې د پناه غوښتنې اسناد یې په هغه هېواد کې رد شوي وو، افغانستان ته ستانه کړي دي.