د نیمروز ولایت پولیسو نږدې (۳۰) کیلو ګرامه نشه يي مواد له قاچاق کوونکو او خرڅوونکو سره یوځای نیولي دي.
د نیمروز ولایت امنیه قوماندان الله داد فدايي ازادي راډیو ته وویل، پولیسو د دې ولایت په کنګ ولسوالۍ کې (۲۵) کیلو ګرامه زېرمه شوي تاریاک ونیول، خو د دې پېښې په تور يې څوک نه دي نیولي.
دغه ډول د نیمروز ولایت پولیسو په زرنج ولسوالۍ کې د نشه يي موادو پنځه خرڅوونکي له څلور کیلو ګرامه نشه يي موادو سره یو ځای نیولي دي.