په ننګرهار ولایت کې څه د پاسه شپېته کیلو ګرامه نشه يي مواد ونیول شول.
د ننګرهار د امنیې قومندانۍ ویاند مبارز اتل ازادي راډیو ته وویل: له نشه یي موادو سره د مبارزې ځانګړو پولیسو د سنبلې د میاشتې په شپږمه نېټه په روداتو او خوګیاڼو ولسواليو کې عملیات وکړل.
د دې عملياتو په نتیجه کې یې څه د پاسه (۶۶) کیلو ګرامه چرس ونیول چې په یوه موټر کې پټ کړای شوي او یوه ګاونډي ولایت ته قاچاق کېدل.
د دې پېښې په تور څلور تنه نیول شوي دي.