د افغانستان د ملي اردو چارواکي وايي، د غوڅ ملاتړ د ماموريت په مرسته يې د لوګر په څو سيمو کې پوځي عمليات کړي دي.
٢٠٣ تندر قول اردو نن په يوه اعلاميه کې ويلي چې دغه پوځي عمليات پرون د لوګر په څو سيمو کې شوي دي.
د اعلاميې په حواله، په دغو عملياتو کې ٦ تنه وسله وال طالبان وژل شوي چې د مولوي محمد بشير حليم په نوم د دوى يو مشر هم په کې شامل دى.
٢٠٣ تندر قول اردو وايي، مولوي بشير حليم په څرخ او په وروستيو کې په برکي برک ولسوالۍ کې د طالبانو د ولسوال په توګه دنده ترسره کوله.
وسله والو طالبانو په دې اړه څه نه دي ويلي.