د هلمند ولایت پولیسو د نشه يي موادو له قاچاقو کوونکو سره تر وسله والې نښتې وروسته څه د پاسه درې سوه کیلو ګرامه نشه يي مواد نیولي دي.
د هلمند د امنیې قوماندانۍ په خبرپاڼه کې راغلي چې له نشه يي موادو سره د مبارزې پولیسو د اسد د میاشتې په (۲۸) نېټه په نهرسراج ولسوالۍ کې د نشه يي موادو له قاچاق کوونکو سره د نښتې په نتیجه کې (۲۲۸) کیلو ګرامه چرس او (۷۹) کیلو ګرامه تاریاک نیولي دي.
که څه هم نشه يي مواد نيول شوي، خو قاچاق کوونکي يې د پېښې له ځایه تښتېدلي دي.