د اسوشېټېډ پرېس خبري اژانس په حواله، د کابل په یو شمېر جوماتونو کې نن د هغو کسانو د فاتحې مراسم ترسره شول چې د یکشنبې په شپه پر شهر دُبۍ هوټل په حمله کې ووژل شول.
د یکشنبې په شپه د حملې مسؤلیت د داعش وسله والې ډلې واخیست.
په حمله کې د کوچنیانو په ګډون ۶۳ ملکي وګړي وژل شوي وو.
اسوشېټېډ پرېس ویلي چې یو شمېر فاتحه کوونکو د افغانستان پر حکومت انتقادونه کول، د دې خبري اژانس په حواله، په افغانستان کې په وروستۍ یوه لسیزه کې ۳۲ زره ملکي وګړي وژل شوي دي.