په کابل کې د امریکا سفیر، د فساد پر ضد په مبارزه کې د افغان حکومت پر اجراآتو شک څرګند کړی.
جان بس د ملي امنیت د پخواني رئیس رحمت الله نبیل له قوله ورکړل شویو هغو راپورونو ته چې وايي افغان حکومت د کابلبانک پخوانی مشر خلیلالله فروزي د ولسمشر اشرف غني انتخاباتي کمپاین ته د مالي مرستې په بدل کې له وخته مخکې خوشې کړی د اشارې په ترڅ کې پرون پنجشنبه پر ټویټر په یوه پیغام کې ویلي دي چې د دې ادعا اورېدو سخت خواشینی کړی دی.
Disturbed by reports the #Afghan government requested early release for Kabul Bank fraud perpetrator Khalil Firozy before conclusion of his sentence. Countless Afghans suffered in the past decade because international assistance funds were stolen for personal gain. 1/2
— John R. Bass (@USAmbKabul) August 15, 2019
ښاغلی بس وايي، زیات شمیر افغانان په تېره یوه لسیزه کې له دې کبله دردېدلي دي چې د نړیوالو مالي مرستې د شخصي اهدافو لپاره غلا شوي.
افغان حکومت دا ادعاوې رد کړي او د ولسمشر ویاند صدیق صدیقي پر ټویټر په یوه پیغام کې ویلي چې د ښاغلي نبیل ادعا عوامفرېبانه او کمپایني ده.
ادعای آقای نبیل در پیوند به رهایی فيروزی در بدل پول كاملن بي بنیادو بی اساس است، عوام فریبانه و کمپاینی مي باشد. بر بنياد فیصله ي یک کمیته موظف كه متشکل از نهاد های عدلی و قضایی، صحی و امنيتي بوده؛ وضعيت فيروزي وخیم توصیف شده، و به خانه اش انتقال یافته وتحت نظارت شدید قرار دارند
— Sediq Sediqqi (@SediqSediqqi) August 14, 2019
د کابلبانک عمومي مشر شیر خان فرنود چې له فروزي سره یوځای د کابلبانک د فساد په قضیه کې تورن و، په دې وروستیو کې د ناروغۍ له وجې په زندان کې مړ شو.
ښاغلي صدیقي ویلي دي چې فروزي هم سخت ناروغ دی او د عدلي، قضايي، صحي او امنیتي ارګانونو د استازو په ګډون د یوه بنسټ تر نظر لاندې خپل کور ته استول شوی، خو تر جدي څار لاندې دی.