په فراه کې د نړیوالو ځواکونو په هوايي حمله کې لسګونه وسله وال طالبان وژل شوي دي.
د فراه د والي ویاند محب الله محب پرون شنبه ازادي راډیو ته وویل چې نړیوالو ځواکونو په حمله کې د دې ولایت لپاره د وسله والو طالبان والي ملا عبدالرحمن چې په ملا مشر مشهور و، وژل شوی دی.
محب الله محب ادعا کړې چې دا عملیات د جمعې په شپه شوي او سلګونه وسله وال طالبان په کې وژل شوي او تر ۵۰ زیات زخمیان شوي دي.
وسله والو طالبانو یوازې د ملا مشر د وژل کېدو خبر تأیید کړی دی.
د فراه د والي ویاند وايي چې هوايي حملې په بکوا ولسوالۍ کې شوې دي.