د برازیل په یوه زندان کې د بندیانو د دوو ډلو ترمنځ په نښته کې چې څو ساعته یې دوام وکړ، لږترلږه ۵۷ تنه وژل شوي دي.
د برازیل په شمالي ولایت پارا کې د التمیرا په نوم زندان کې د بندیانو یوې ډلې پرون د بلې ډلې سیمه اشغال کړې وه چې له امله یې دواړه رقیبې ډلې سره ونښتې او د دواړو خواوو بندیان زخمیان او ووژل شول.
چارواکو ویلي چې له ۱۶ بندیانو سرونه پرې شوي وو.
یو شمېر کسان په زندان کې د اور د لګېدو له امله په دود کې ساه بندي شوي او مړه شوي دي.
د برازیل په زندانونو کې د بندیانو د رقیبو ډلو ترمنځ تل نښتې کېږي.
په میاشت کې د برازیل په امازوناس ولایت کې په یوه زندان کې په ورته شخړه کې ۵۵ زند انیان ووژل شول.