اذربایجان افغانستان ته د تازه دمو سرتېرو نوې ډله استولې ده.
د سې شنبې په ورځ د اذربایجان دفاع وزارت په یوې خبرپاڼه کې افغانستان ته د خپلو نویو استول شویو سرتېرو شمېر نهدی یاد کړی، خو ویلي یې دي دا سرتېري به د ناټو د غوڅ ملاتړ مأموریت په چوکاټ کې دنده ترسره کوي.
اذربایجاني سرتېري په افغانستان کې له ۲۰۰۲ م کال راهیسې د ناټو تر مشرۍ لاندې د نړیوالو ځواکونو په لیکو کې مأموریت ترسره کوي.
د اذربایجان د دفاع وزارت په وینا دا مهال په افغانستان کې د دې هېواد ۱۲۰ سرتېري حضور لري چې پهکې دوه تنه پوځي ډاکتران دي.
په افغانستان کې د ناټو د غوڅ ملاتړ مأموریت په چوکاټ کې دا وخت شااوخوا ۱۷ زره بهرني سرتېري مېشت دي چې د افغان ځواکونو د روزنې او ملاتړ چارې پر مخ وړي.