ولسمشر غني کندهار ته له رسېدو سره سم د کندهار هوايي ډګر د احمد شاه بابا په نوم ونوماوه.
ولسمشر غني نن سهار د یو لوړپوړي پلاوي په مشرۍ کندهار ته تللی دی.
د ولسمشر ویانده دُرانۍ وزیري وایي چې ولسمشر وروسته د هوايي ډګر لاره چې ۲،۸ ميلیونه افغانۍ پرې لګښت راغلی پرانیسته.
د کندهار د والي ویاند بهير احمدي وایي، ولسمشر غني به په دامان ولسوالۍ کې د سولري برښنا پروژه او په عینو مېنه کې تازه جوړ شوی ۳۵۰ بستريز روغتون هم پرانیزي.
احمدي وایي، ولسمشر به په خپل دغه سفر کې د کندهار د ملکي او پوځي چارواکو سربېره له ځوانانو، مدني فعالانو، قومي مشرانو، مېرمنو او ديني عالمانو سره هم وګوري.
د يادونې وړ ده چې د ولسمشر د سفر پر مهال دا ځل کندهار کې ګرځبنديز نهدی اعلان شوی.