د افغانستان د متشبثینو عالي بورډ وايي، د پاکستان له لوري پرافغان سوداګرو د تعارفو د لوړېدو ستونزه ۴۰ سلنه هواره شوې ده.
د دغه بورډ مشر رحم الدین حاجياغا نن د دوشنبې په ورځ ازادي راډيوته وویل چې هڅې روانې دي څو دا ستونزه په اساسي توګه هواره شي:"په سلو کې ۴۰ سلنه د تعارفو د لوړېدو ستونره هواره شوې ده، مثلاً زردالو چې ۱۳ زره وو، ۱۸ ته رسېدلې، دا سوداګرو او بزګرانو ته د منلو وړ نهده او باید خپل حالت ته راشي."
تردې مخکي سوداګرو ویلي چې پاکستان پر افغان سوداګرو خپله تعارفه دوه برابره زیاته کړې چې دا کار ورته لوی اقتصادي زیانونه اړولي دي.