په هرات ولايت کې ښوونکو خپل هغه کاري اعتصاب چې له يوې مياشتې روان و، په مشروط ډول پاى ته ورساوه.
دغه ښوونکي وايي، که د امتيازونو د زياتېدو لپاره يې غوښتنې پرځاى نه شي، خپل اعتصاب به بېرته پيل کړي.
د پوهنې وزارت سلاکار غلام دستګير چې هرات ته تللى، وايي چې د ښوونکو امتيازونه به په تدريجي ډول زياتېږي، خو دا پروسه ٣ کاله وخت نيسي.
د ازادي راډیو خبريال وايي، په دغه کاري اعتصاب کې د هرات د ٩٠ فيصده ښوونځيو ښوونکو برخه درلوده.