د افغانستان د برښنا شرکت مسؤلین وايي، څه باندې ۲۰۰ میلیونه افغانۍ د برښنا له درکه را ټولې شوي دي.
د دې شرکت ویاند وحیدالله توحیدي نن د سې شنبې په ورځ ازادي راډیو ته وویل چې د برښنا له پوروړو څخه د پیسو را ټولول دوام لري.
ده څرګنده کړه چې تر راتلونکي یوې اوونۍ پورې هغه کسان چې برښنا یې غلا کړې او د برښنا د پورونو له ورکړې سرغړونه کوي د عدلي او قضايي تعقیب لپاره به لویې څارنوالۍ ته وپیژندل شي:"هر هغه کس چې دغه سرغړونې او سرقت پرې ثابت شي، هغوی به د نغدي جریمې ترڅنګ شپږو میاشتو لپاره زندان هم تیروي."