د افغانستان د ولسمشرۍ د راتلونکو انتخاباتو د یو شمېر کاندیدانو شورا ټینګار کوي چې ولسمشر اشرف غني دې د افغانستان د اساسي قانون له مخې له نن څخه چې د غبرګولي لومړۍ نېټه ده واک پرېږدي یا دې سرپرست حکومت ته وسپاري.
دغه شورا چې پهکې ۱۲ کاندیدان راټول شوي دغهراز وایي چې که ښاغلی غني غواړي د سرپرست حکومت د مشر په توګه کار ته دوام ورکړي باید د ولسمشرۍ له کاندیداتورۍ تېر شي.
خو بل لور ته د انتخاباتو قانون بیا د انتخاباتو د ځنډېدو په صورت کې چې د تلې د میاشتې ۶مه ته ځنډېدلي، د انتخاباتو تر ترسره کېدو پورې د ولسمشر د دندې پر دوام ټینګار کوي.
د ازادي راډیو خبریال نوریاس نوري دغه تناقض د افغانستان د ازادو او عادلانه انتخاباتو د بنسټ له اجرائیوي مشر یوسف رشید سره په مرکه کې څېړلې ده او لومړی یې ورڅخه پوښتنه کړې چې پهدې برخه کې دواړه قوانین څه حکم کوي؟
دا مرکه د لاندې لېنک په کېکاږلو سره اورېدلی شئ:
Your browser doesn’t support HTML5
مرکه