سعودي عربستان وايي، پر مکه معظمه ولایت ويشتل شوي دوه توغندي يې هدف ته تر رسېدو مخکې خنثی کړل.
روېټرز خبري اژانس راپور ورکړی چې په یمن کې د سعودي عربستان په مشرۍ د ائتلافي ځواکونو یوه وياند ویلي چې دا توغندي د ايران ملاتړ لرونکو حوثي ياغيانو د مکې پر لور ويشتلي وو.
حوثي ياغیانو دا تورونه رد کړل چې ګواکې مکهيې هدف ګرځوله.
سعودي عربستان او متحده عربي امارات د لوېديځ هېوادونو په ملاتړ د هغه ائتلاف مشري کوي چې په ۲۰۱۵ میلادي کال کې يې په یمن کې ځکه مداخله وکړه چې په ۲۰۱۴ میلادي کال کې حوثي ياغيانو په پلازمېنه صنعا کې د یمن حکومت له واکه لیرې کړ.
د توغندیو د خنثی کېدو خبره پهداسې حال کې ده چې د تهران او خلیج عرب هېوادونو ترمنځ وضعیت نور هم ترینګلی شوی او په یمن کې څلور کلنې جګړې ته د دواړو لورو ترمنځ د نيابتي جګړې په سترګه کتل کېږي.