په کابل کې د امريکا سفارت د ټلوېزيوني خپرونو د پخوانۍ وياندې مينې منګل پر وژل کېدو خواشيني ښوولې ده.
دغه سفارت پرون په خپل ټويټرکې ليکلي چې په افغانستان کې د مينې منګل او ټولو ژورنالېستانو کار د دغه هېواد د راتلونکې د بريا لپاره مهم دى.
د امريکا سفارت ليکلي چې ژورنالېستان بايد خوندي کړاى شي.
We are saddened to hear of the killing of former journalist #MinaMangal in #Kabul. Her work, and the work of all journalists in #Afghanistan is vital to the future success of this country. Journalists must be protected. #DefendMediaFreedom
— U.S. Embassy Kabul (@USEmbassyKabul) May 12, 2019
بلخوا په افغانستان کې د ايټاليا سفارت هم په خپل ټويټرکې ليکلي: د زړورې افغان ښځې مينې منګل وژل کېدل، وروستۍ غموونکې پېښه ده چې په افغانستان کې خبريالان هم په نښه کوي.
Mena Mangal was a brave journalist & advocate for women and girls, whose work was vital to advancing gender equality – not only in Afghanistan, but around the world. Her death is an unacceptable tragedy, and we must stand together to keep her legacy alive.
— Justin Trudeau (@JustinTrudeau) May 12, 2019
په همدې حال کې د کاناډا صدراعظم جستن ترودو، مينه منګل «زړوره ژورناليسته» بللې او ويلي يې دي چې هغه د ښځو او نجونو مدافع وه.
ښاغلي ترودو پرون يکشنبه په خپل ټويټ کې ويلي چې د جنسيتي برابرۍ لپاره د مينې منګل فعاليتونه، نه يوازې په افغانستان، بلکې په ټوله نړۍ کې مهم وو.
د کاناډا صدراعظم د مينې منګل وژنه «نه منل کېدونکې غميزه» بللې ده.
د ټلويزيوني خپرونو پخوانۍ ويانده او د ولسي جرګې د فرهنګي او ديني چارو د کمېسيون سلاکاره مينه منګل د شنبې په ورځ د کابل په کارته نو سيمه کې په ډزو ووژل شوه.
د هغې د کورنۍ ځينو غړو ادعا کړې چې مينه منګل د هغې د پخواني خاوند له خوا وژل شوې ده.