د ولسي جرګې د فرهنګي چارو د کمېسيون سلاکاره او افغان ژورنالېسته مینه منګل نن په کابل کې په ډزو وژل شوې ده.
پولیس وايي، موټرسایکل سپرو وسله والو نن سهار پر مینه منګل د کارته نو په سیمه کې ډزې وکړې.
د کورنیو چارو وزارت ویاند نصرت رحیمي ازادي راډیو ته وویل، د مینه منګل د پلار د څرګندونو له مخې، دا پېښه د شخصي دښمنۍ په نتیجه کې رامنځته شوې ده.
رحیمي زیاته کړه، پولیسو د پېښې په اړه څېړنې پیل کړي دي.
مینې منګل تر دې مخکې په کابل کې د ځینو تلویزوني خصوصي تلویزونونو سره خپرونو د چلوونکې په توګه کار کړی و.
هغه چې په ټولنیزو رسنیو کې فعاله وه، په وروستیو کې یې ویلي وو چې د مرګ ګواښونه ورته شوې دي.