نن د افغانستان د سولې د لویې مشورتي جرګې درېیمه ورځ ده.
له نن سهاره د دې جرګې ۵۲ کمېټو خپل کارونه پیل کړي او تمه ده چې د بحثونو پایلې د سولې مشورتي لویې جرګې عمومي غونډې ته وړاندې کړي.
د سولې د مشورتي لویې جرګې ۳۲۰۰ غړي د افغانستان د سولې د مذاکراتو لپاره حدود او تګلاره ټاکي.
افغان ولسمشر اشرف غني ویلي چې حکومت به د تګلارې د پلي کولو لپاره له ټولو امکاناتو کار واخلي.
د سولې مشورتي لویه جرګه د دوشنبې په ورځ په کابل کې د افغان ولسمشر لهخوا پرانیستل شوه.
اجرائیه رئیس عبدالله عبدالله، ګڼو سیاسي څېرو او د ولسمشرۍ ټاکنو ۱۲ کاندیدانو د سولې مشورتي لویه جرګه تحریم کړې او ځینو یې دا جرګه د ولسمشر اشرف غني لهخوا یو انتخاباتي کمپاین بللی.
ولسمشر غني بیا ویلي چې د سولې لپاره عام خلک حدود ټاکي نه سیاسیون.