له نشه يي موادو سره د مبارزې پولیسو څه د پاسه اویا کیلو ګرامه نشه يي مواد ونیول.
د کورنیو چارو وزارت ویاند نصرت رحیمي ازادي راډیو ته وویل، له نشه يي موادو سره د مبارزې پولیسو په دریېو بېلابېلو عملیاتو کې په ننګرهار، کابل او پروان ولایتونو کې (۷۷) کیلو ګرامه چرس نیولي چې په موټرو او د استوګنې په کورونو کې پټ کړل شوي وو.
د یادونې وړ ده چې د دې موادو د قاچاقو او ساتلو په تور اته کسان هم نیول شوي دي.