د افغانستان د ټاکنو خپلواک کمېسیون وایي، ډېر ژر به په کندهار کې د ولسي جرګې د انتخاباتو پایلې اعلان کړي.
د کمېسیون مرستیال ویاند عبدالعزیز ابراهیمي وویل چې نن سې شنبه ښايي د کندهار بریالي وکیلان معرفي شي.
ابراهیمي پرون د اپرېل په ۲۲مه ازادي راډیو ته وویل:
"فعلاً، کندهار په تطبیقاتو کې دی چې که نن یا په نږدې وخت کې بهیې پایلې اعلان شي، څلور ولایتونه او د کوچیانو حوزه تر کار لاندې پاتې کېږي."
د عبدالعزیز ابراهیمي په وینا، د ټاکنو خپلواک کمېسیون د انتخاباتي شکایتونو د کمېسیون د څېړنو راپور ته معطل دی او تر هغه وروسته به په پاتې سیمو کې هم د ټاکنو پایلې اعلان شي.
په پارلماني چارو کې د دولت وزیر ویلي چې د افغانستان نوې ملي شورا به د راتلونکې پنجشنبې په ورځ پرانیستل شي.
په افغانستان کې د ولسي جرګې ټاکنې تېر کال، د اکټوبر په ۲۰مه وشوې او په ځیني سیمو کې د ستونزو له امله، دا پروسه یوه ورځ تمدید شوه.
غزني یوازنی ولایت دی چې د امنیتي او تخنیکي ستونزو له امله پهکې انتخابات ونهشول.