په فراه کې چارواکي وايي، دغلته د نجونو د دوو ښوونځیو د ویجاړولو عاملان تر اوسه نهدي پیژندل شوي او پهدې اړه څېړنې روانې دي.
د فراه د والي د دفتر رئیس حکمتالله نظري تېره شپه پهدې اړه ازادي راډیو ته وویل، امنیتي ادارې هڅه کوي څو پیدا کړي چې دا ښوونځي د چا لهخوا سوځول شوي دي.
دی وايي:
"تر اوسه په دقیق ډول معلومات نهشته چې ایا دا کار مخالفینو کړی که نه؟ ځکه هغوی هم رسماً دا خبره نهده تأیید کړې."
په فراه ولایت کې د دوشنبې په شپه د مرکز په ۲۰ کېلو مترۍ کې د نجونو یو ښوونځی په چاودېدونکو توکو ویجاړ شو.
تر هغې یوه شپه مخکې د نجونو یو بل ښوونځی هم مرکز ته نږدې په بمونو الوزول شوی و.
طالب ویاند ذبیحالله مجاهد د جرمني خبري اژانس ته ویلي، دوی پهدې پېښو کې لاس نهلري او ادعا یې کړې چې دا ښوونځي د فراه ولایت د پوهنې د چارواکو ترمنځ د اختلاف له کبله تخریب شوي دي.