د افغانستان د سولې لپاره د امریکا خاص استازي زلمي خلیلزاد د ملګرو ملتونو امنیت شورا هغه دریځ ستایلی چې د وسلهوالو طالبانو پسرلني عملیاتیې غندلي.
خلیلزاد بېګاه شپه په یوه ټویټ کې لیکلي چې پهدې اړه د نړیوالې ټولنې د نظر له یووالي هرکلی کوي.
هغه په دوام کې لیکلي چې د جګړې او تاوتریخوالي د پای ته رسولو او د سولې او اوربند د ټينګښت وخت دی.
د ملګرو ملتونو امنیت شورا پرون یو بیان ورکړی او په افغانستان کې یې د طالبانو لهخوا د پسرلنیو عملیاتو پیل غندلی او ویلي یې دي چې پهدې سره به د افغانانو ځورول لاپسې زیات شي.
طالبانو د الفتح په نوم تازه پسرلنی جنګ پيل کړی چې ورسره په ګڼو سیمو کې نا امنۍ او بریدونه زیات شوي.