د ترکیې ولسمشر رجب طیب اردغان ویلي چې د روسیې حکومت ښايي د هوايي دفاع د میزائیلو سیستم تر هغه وخته چې مخکې ورته ټاکل شوی و، وړاندې ورته وسپاري.
ترکیه د ناټو تړون غړې ده.
له روسیې د ميزائیلو د دفاعي سیستم اخیستلو د ترکیې او واشنګټن په اړیکو کې عجیب حالت رامنځته کړی دی.
رجب طیب اردوغان له روسیې خپل وطن ته ستون شو او نن د اپرېل په ۱۰مهیې خبریالانو ته وویل:
"د اېس-۴۰۰ سیستم د را لېږدولو لپاره د جولای میاشت ټاکل شوې وه، خو ښايي دا نېټه رامخکې شي."
د امریکا متحده ایالاتو له ترکیې غوښتي وو چې له روسیې سره دا معامله لغوه کړي.
د روسیې رسنیو په وینا، انقره غواړي چې د اېس-۴۰۰ څلور دستګاوې په دوه نیم ميلیاردو ډالرو واخلي.