د اسرائیلو صدراعظم بنیامین نتانیاهو د دغه هېواد په انتخاباتو کې د بریا اعلان کړی دی.
هغه خپلو پلویانو ته په خطاب وویل چې:
"د تاسو په مټ مې یوه د نه باور وړ لاسته راوړنه وکړه."
د اسرائیلو پارلمان نن سهار په خپله وېبپاڼه لیکلي چې د ۹۶ فیصده رأیو په شمېرلو سره د بنیامین نتانیاهو لیکود ګوند په پارلمان کې ۶۵ تر ۶۷ څوکۍ ګټلي دي.
که څه هم نتانیاهو پوره څوکۍ په یوازې سر ونهشوای ګټلی، خو وړو ګوندونو ورسره د ائتلاف ژمنه وکړه.
پهدې سره به بنیامین نتانیاهو د پنځو نورو کلونو لپاره د اسرائیل د صدراعظم په توګه خپل کار ته دوام ورکوي.
د اسرائیل د پارلمان د څوکۍ د ګټلو لپاره د بنیامین نتانیاهو د ګوند په وړاندې د پخواني پوځي بني ګانټس ابي او سپین ګوند ولاړ و.
اسرائیل، اته عشاریه اووه میلیونه نفوس لري او ویل کېږي چې د سې شنبې د ورځې په پارلماني انتخاباتو کې د خلکو ګډون په سلو کې شاو خوا شپږ ۳۰ وو.
د اسرائیل د سې شنبې د ورځې په انتخاباتو کې لس زره د رأيې ورکولو مرکزونه پرانېستل شوي وو.
همدارنګه له هېواده بهر اسرائیلي وګړو هم کولی شول پهدې انتخاباتو کې رأیې ورکړي.
په پارلمان کې د بریا لپاره یو ګوند ۶۱ استازو ته اړتیا لري، ځکه د اسرائیلو پارلمان ۱۲۰ څوکۍ لري.