د بادغیس چارواکي وايي، د دې ولایت د بالامرغاب ولسوالۍ جګړې ته کمانډو ځواکونو رسیدلي دي.
د بادغیس د والي ویاند جمشید شهابي نن ازادي راډیو ته وویل، د دفاع د وزارت مرستیال محمد یاسین ضیاء او د ۲۰۷ ظفر قل اردو قوماندان نورالله قادري د بالامرغاب د جګړې د څارولو په هدف په بادغیس کې دي.
ښاغلي شهابي وویل، د افغان هوايي ځواک په بریدونو کې وسلهوالو طالبانو ته درنه مرګژوبله اوښتې ده.
تردې مخکې دفاع وزارت وویل چې په بالامرغاب کې د جګړې شدت کم شوی دی.
د افغان مقاماتو په خبره د بالامرغاب په جګړه کې تر اوسه ۳۲ افغان سرتیري وژل شوي دي.