د ناټو تړون د بهرنیو چارو د وزیرانو دوه ورځنۍ غونډه چې بحثونهیې پر افغانستان هم راڅرخي نن په واشنګټن کې پیلېږي.
تمه کېږي چې د دې تړون لوړپوړي ډیپلوماتان او چارواکي به پهدې غونډه کې د ترهګرۍ پر ضد په مبارزې او د افغانستان د کړکېچ د سیاسي هواري لپاره په روانو هڅو خبرې وکړي.
دا غونډه چې د شمالي اتلانتیک تړون «ناټو» د ۷۰مې کلیزې په مناسبت جوړه شوې د امریکا د بهرنیو چارو وزیر مایک پامپیو یې کوربهتوب کوي.
د ناټو د بهرنیو چارو د وزیرانو دې غونډه کې به د روسیې، ترکیې او اوکراین په اړه هم بحثونه وشي.
د سې شنبې «۱۳۹۸ کال د وري ۱۳» په ماښام د ناټو عمومي منشي ینس سټولټنبرګ د امریکا له ولسمشر ډونالد ټرمپ سره لیدنه کې وویل چې دا پوځي تړون په افغانستان کې د امریکا د روانو هڅو ملاتړ کوي.
دا مهال په افغانستان کې د ۱۶ زرو په شااوخوا کې بهرني سرتېري مېشت دي چې تر ۱۳ زرو زیاتیې امریکایان دي.