د کونړ ولایت په چپه دره ولسوالۍ کې افغان امنیتي ځواکونو د دولت ضد وسلهوالو خلاف عملیات پیل کړي دي.
د کونړ امنيه قوماندان میرویس صافي نن ازادي راډیو ته وویل، پهدې عملیاتو کې طالبانو او داعشیانو ته درنه مرګژوبله رسېدلې ده.
ښاغلي صافي وویل:
"د دښمن ۲۵ کسان وژل شوي او ۱۱ نور ژوبل دي. د توپچي او هوايي ځواکونو په ضرباتو سره مو په چپه دره کې ۶ کلي تصفیه کړي. دوه داعشیان مو له یوه میل کلاشنیکوف سره ژوندي نیولي دي."
افغان ځواکونو وروسته تر هغې د کونړ په چپه دره ولسوالۍ کې عملیات پیل کړل چې پهدغې سیمه کې د طالبانو او داعش ډلې ترمنځ د وروستیو جګړو له امله زرګونه کورنۍ بېځایه شوې دي.